Business Central (BC) er heildstæð viðskiptalausn í skýinu sem heldur utan um alla þætti rekstrarins; fjármál, sölu, innkaup, birgðir og verkefnastjórnun. Kerfið er arftaki Microsoft Dynamics NAV (Navision) og býður upp á nútímalegt viðmót og öfluga samþættingu við aðrar Microsoft lausnir.

Við vinnum eftir nálgun sem lágmarkar rekstraráhættu. Við einblínum á að halda rekstrinum gangandi á meðan breytingar eiga sér stað og notum raungögn í okkar greiningu svo það séu engin óvænt vandamál eftir ræsingu.

Business Central notar rauntímagögn til að spá fyrir um sölu og lætur vita þegar hætta er á birgðaþurrð. Kerfið getur útbúið sjálfvirkar innkaupapantanir byggðar á spálíkönum og einfaldar öll samskipti við birgja. Þannig tryggir þú að réttar vörur séu til á réttum tíma.

Við greinum tækniskuld og sérlausnir í upphafi og metum hvað þarf að flytja. Í stað þess að flytja gamlar og þungar sérlausnir yfir leitum við leiða til að nota staðlaða virkni BC eða getum smíðað léttari viðbætur sem trufla ekki framtíðaruppfærslur kerfisins.

Í skýinu sér Microsoft um allan rekstur, hýsingu og öryggisafritun. Kerfið uppfærist sjálfkrafa tvisvar á ári sem þýðir að þú ert alltaf í nýjustu útgáfunni og losnar við flóknar uppfærslur á nokkurra ára fresti.

Með því að keyra Business Central í skýi Microsoft eru gögnin þín dulkóðuð sjálfkrafa og varin með öryggislausnum á heimsmælikvarða gegn óviðkomandi aðgangi. Þú færð auk þess fullan fyrirsjáanleika á kostnaði þar sem enginn óvæntur kostnaður fellur til vegna hýsingar.

Já, Business Central samþættist við Power BI og aðrar Microsoft lausnir sem dæmi. Við getum hjálpað þér að setja upp mælaborð sem sýnir rauntímagögn úr rekstrinum á myndrænan hátt svo þú getir tekið betri og hraðari ákvarðanir.